مملكة خواطر العشاق - عرض مشاركة واحدة - عروس خواطر العشاق نصائح معلومات فوائد تجارب

الأوسمه · 17 - 6 - 2019

[align=center]

نصائح متفرقه لحياه زوجيه مستقره }

*مثل ماقل في البدايه , الزواج مو معركه كل طرف يروّض الثاني , ومو نزهه ولا سعه صدر

ولا رحله تحقيق ممنوعات .. الزواج مسؤوليه جسيمه ولبنه بناء اسره واجيال راح يكون لهم دور في المجتمع

سواء سلبي أو إيجابي .. فلو كنتي غير مهيأة لهالخطوة لاتستعجلين ., وماعليك من كلام الناس

لقب عانس أفضل من لقب مطلقه .. رغم أن الطلاق موعيب إطلاقاً .

* كل شي بالحياة ماينجح غير بالتخطيط السليم والمدروس .. وهالشي ينطبق على فترة التجهيز للزواج

*مافية شخص بالكون كامل .. ومثل ماعندك عيوب فأكيد شريكك بيكون عندة عيوب .. لكن فية عيوب

ممكن التغاضي عنها .. تجاوزيها ولا تدققين فيها ..ماعدا العيوب الأخلاقية .. (شرب ,ترك صلاه,ضرب,خيانه آلخ )

هالعيوب لايمكن تجاوزها ولا السكوت عنها .. لازم يكون لك رد فعل حقيقي تجاهها ..

وسوي المستحيل عشان ماتحملين من شخص غير سوي أخلاقباً , لأنك راح تكونين الجانية وقتها مو المجني عليها

*من أول تقارب جسدي بينكم لازم تكونين بحالة جسديه رائعه من كل النواحي .. ومايحتاج اوضح أكثر

لأن الإنطباع الأول مهم للغايه عند الرجل .. ولو شاف منك مايكرة راح يتقزز منك خاصه لو كان شخص

متطلب .. وماراح يغفر لك هالإنطباع الأول ولا ينساه .. لذلك أهتمي بأدق أدق التفاصيل ..

* صحيح أن العطور حلوة وتجنن ومهمة لكن التعطير سلاح ذو حدين .. أولا لازم تكونين عارفة وش الروايح

اللي يحبها وقت الملكه .. وتحرصين على ارضاء ذائقته بها .. والأهم أن في اللحظات الخاصه

لاتخلين ريحه عطرك صارخه ولا خانقه .. لأنها راح تطغى على ريحه جسدك الخاصه .. غير كذا

جسمك لازم يكون خالي تماما من أي رشه عطر .. والإكتفاء بتعطير الملابس فقط قبل لبسها ..

وراح تعرفين السبب بعدين , ههههه

* الرجل الشرقي يظل فية خصله لايمكن يتخلص منها .. وهي انه مايحب الجرأة الزايدة في

الليله الأولى بالذات .. وممكن يسوقه مخه لو كان مصّدي لتفسيرات مالها داعي ..

لذلك حافظي على أكبر قدر ممكن من الحياء والخجل حتى لو كان مبالغ فية . ولاحقه على الجرأه

*حلو أن شريكك يلاحظ لمساتك وذوقك بالترتيب من أول يوم .. لأن مثل ماقلت لك الإنطباع الأول خطير جداً,

وراح تكونين تحت المجهر من أول يوم .. حرصك على ترتيب كل شي في وقته وحرصك على النظافه

مو بس عشانه ولا فكرته عنك , لا, هالشي هو اللي المفروض يصير ..

انسي عيشتك في بيت أهلك وأني أنه فية ميري ولا سورياتي ممكن ترتب وراك ولا تغسل وراك ..

مع أن هالشي مهوب عذر بنوب .. بس خلاص .. انتي في مرحله جديدة محتاجه اثبات وجودك

والشغل في بيتك والقيام بشؤون زوجك مهوب عيب , بالعكس , التمسي المتعه حتى في أصعب

اعمالك .. لإن الإيحاآت الإيجابيه مهمة عشان ماتصابين بالإحباط ..

* لاتكشفين كل أمورك الخاصه وأمور عيلتك في أول لياليكم .. خلي بعض الأمور الشخصيه

مؤجله لين تعرفين هالشريك هو قد الثقه ولا لا .. بعض الحريم من أول ليلتين تسدح كل مافي جعبتها من انولدت لين

تزوجت .. وحتى اسرار اهلها تقولها , ولين ماأتفقوا وانفصلو قام يتكلم عنها وعن اهلها .. وكثير صارت !

الثقه ماتنعطى لأي شخص كان في يوم وليله .. فلاتصيرين ساذجه

* فية حريم وبدافع مايسمى الخجل تصنع من زوجها رجل بخيل ماديا بدون ماتحس .. تجلس اول الأشهر

كل مابغت شي طلبت من اهلها .. والسبب (مستحيه أقوله ) والنتيجه .. الرجال ينبسط على التوفير ,

ويتعود على انها انسانه مالها اي متطلبات .. وحليني عاد لين راح عنها هالخجل تطلع منه ريال واحد ..

لازم تعودينه أن لك التزامات واحتياجات ماديه .. طبعاً بما يتناسب مع مدخوله الشهري .. مو معناه

انك تصلخين الرجال بالصرف وتخلينه يتسلف .. الشي قدر .. على قد دخلة يعطيك ..

حتى في المشاوير , لو عودتيه ان اخوانك يودونك ويجيبونك راح يتعود وينبسط على الراحه ..

لازم يعرف أن الحياه آخذ وعطاء .. وانه ملزوم بمشاويرك والتزاماتك .. وانك طلعتي من ذمه آهلك لذمته .

* لاتتوقعين ان طلباتك ماتتحقق غير بالقوة وفرض الأوامر .. بالذات لو كان شريكك عصبي المزاج

لازم تعرفين من أين تؤكل الكتف .. واللسان مجرد آداه .. يطلع منها الكلام الزين والكلام الشين ..

يبقى عاد اخلاقك وتربيتك ويش تختار لك منه ..

العناد صفه غالبه على الرجال .. ودائماً يسعى للحفاظ على صورة الأسد في نظر نفسه حتى لو كان أرنب

فعطية جوة .. خليه يحس أنك ماكسرتي كلامه .. بس بنفس الوقت تقدرين لين روق ناخذين اللي تبين .

وصدقيني ترى كم دمعه حتى لو كانت من شمة بصل .. لها مفعول أقوى من اللعلعه والصوت العالي ..

* لكن مايعني هالكلام أنك تكونين متنازله على طول الخط عن حقوقك .. انا ضد استخدام الصوت العالي

واللسان البذئ لأخذ حق .. لكن ضد التنازل عن حق من الحقوق ..

والتنازلات ترى تبدأ على مراحل .. وتتطور بدون ماتحسين.. ومازلت اشوف حريم يخطي عليها الزوج

ويضربها وبعد مايقول لها كلمه حلوة تسيح معاه وتنسى اللي سواة .. لا ياعزيزتي

ثقي تماماً أن أول مدة يد في حياتك الزوجيه ماراح تكون الأخيرة لو ماأتخذتي موقف حازم وصارم

ومافية أي تراجع .. ولاتخلين لاعيال ولا غيرة سبب تتذرعين به عشان تتنازلين

عيالك مايبون ام انهزامية تنضرب قدامهم وتنهان بالساعه والدقيقه ..كل شي ولا كرامتك . لو قبرتيها بتكونين

انتهيتي .

*اهتمامك بأدق تفاصيل بيتك وأحتياجات زوجك راح يخليه يعتمد عليك شوي شوي ويوليك القياده مع مرور الوقت

لو اثبتي نفسك وجدارتك بقياده المنزل .

*الزوج مثل الطفل .. باختلاف الحجم فقط .. محتاج صبر ومحتاج دلال ويحب شد انتباهك حتى برفضة لطلباتك

أحياناً ..

*احترامك لأهل زوجك وبالذات أمه هو من حقوق زوجك عليك , ولو بغيتي تكسبين زوجك أكرمي أهله

حتى لو مابين لك أمتنانه , هالشي راح تلاحظينه بتصرفاته .. لأن الرجل الشرقي نادراً مايبدي امتنانه واعتذاره .

* في كل لحظة سوء فهم بينكم .. تداركو الآمر قبل يستفحل .. وعالجوا الخلاف الصغير قبل يكبر

ولابد من تخصيص لحظات نقاش عقلاني بدون محاوله كل طرف تبرير تصرفه أو تبرئه ساحته .

* احتياجاتكم الخاصه والحميمه لازم تناقشونها بكل شفافيه .. وكل طرف يعرف وش له ووش عليه

لأن هالأمور لو ماصار فيها اكتفاء راح تكون فجوة كبيره بحياتكم .. والنهايه أن كل طرف ناقصه شي

راح يبحث عنه خارج الحدود .. حتى لو بمجرد النظر المحرم ..

* اسقطي حواجز الخجل بينكم خلال الشهر الأول .. وبالتدريج .. لأن لكل منكم حقوق في جسد الآخر

وكل ماطولت هالحواجز كل ماكان سقوطها أصعب ..

*كونك تحتفظين ببعض خصوصياتك عن زوجك مو معناه أن الكذب محبذ دخوله بينكم ..اكرة صفه في

الوجود هي الكذب .. وفية فرق من إخفاء حقيقة وبين تزييفها ..

النهايهة } لقد حاولت قد الإمكان اسوي الموضوعع شامل كامل .. بالرغم آني آرى أنني ماقدرت أغطي كل جوانبه لسبب طوله

وطول النقاش فيهه .. لكن على الأقل حاولت وأرى لابأس بمحاولتي ..
ويارب تكون هالمحاوله مفيدة لأغلب العرايس .. ويارب أكون وفقت في طرحه وتنسيقه

بتبسيط هم التجهيز المؤرق لكل عروس .. والله يوفقكم يارب ~

* عند النقل الرجاء ذكر المصدر

تم بحمدالله وتوفيقه }